Desconhecidos atacárom esta madrugada o Centro Social A Revolta de
Vigo. Por volta das seis da madrugada escachárom o vidro da janela,
botárom gasolina ao interior e prendêrom-lhe lume. As lapas devorárom o
expositor de material, consumindo dezenas de livros, discos de música,
camisolas, bandeiras...
Um vizinho acordou com o ruído de umha explosom, possivelmente a
janela ao ser escachada ou ao rebentar polo calor, e ao debruçar-se à
janela percebeu o resplandor do incêndio e avisou aos bombeiros.
Felizmente o lume nom se estendeu ao interior do local e foi extinguido a
tempo.
Durante esta manhá os ativistas afanam-se na limpeza, pois o fumo, as
cinzas e os produtos empregados polos bombeiros cobrírom de sujidade
todo o centro social, do chao ao teito.
Represálias fascistas
Este ataque segue-se aos sofridos nos últimos meses por outros
centros sociais do país, como o Mádia Leva de Lugo ou o Arredista de
Compostela. Aliás, produze-se ao dia seguinte da açom de resistência
galega contra o local do PP em Ribadúmia, polo que se especula com umha
eventual vingança de espanholistas vinculados ao partido no poder. As
operaçons policiais contra o independentismo, nas que além das detençons
de militantes se regista publica e injustificadamente a Revolta, também
contribuem a associar as açons da resistência galega com este centro
social, colocando-o assim no ponto de mira de represálias fascistas.
Em qualquer caso, o CS A Revolta insiste
em que "nom se sente intimidada" polos ataques, senom que "reforçam o
seu compromisso de luita e a sua determinaçom para continuar com o seu
trabalho social no bairro e na cidade".
O centro social continua com a sua atividade
As informaçons que nos estám a achegar os ativistas do CS A Revolta
indicam que o local social estará pronto para abrir as suas portas na
próxima terça-feira como vem sendo costume todas as semanas. Aliás, a
programaçom de atividades nom se verá modificada e na quinta-feira dia
14 o local acolherá por volta das 20h00 umha palestra onde o coletivo
"Siareir@s Galeg@s" apresentará a sua campanha "Canha contra Espanha"
para reivindicar que a nossa seleçom é a galega. A campanha tomará força
os dias que jogue Espanha na vindoura Eurocopa.
HABER CANDO VOTADESLLES OVOS E VIDES DE CARA!!
GALIZA CEIBE, SOCIALISTA E POPULAR!!
No hay comentarios:
Publicar un comentario