Xuvenil 0-1 Cultural Areas (Copa)

Boiro 4-2 Cultural Areas

 No centro Gran afluenza de afección areán en Boiro.

Quinta derrota seguida do Areas

O Cultural Areas sumou na xornada de onte a quinta derrota consecutiva ante o Boiro nun encontro de moitas alternativas e na que o conxunto de Fonsi Valverde pagou moi cara a expulsión de Carlos Pereira ó comezo da segunda metade. 

TEMAS  QUINTA DERROTA SEGUIDA DO AREAS TECNOLOGÍA

Víctor Besada agarra a un jugador del Boiro.

REDACCIÓN. VIGO17/02/2014 10:30 H.

Ata quedar cun xogador menos sobre o campo, o conxunto de Ponteareas mostrou unha das mellores versións das últimas semanas e adiantouse no tanteador por medio de Cañi ó cuarto de hora de partido e o tanteador non se moveu ata despois do descanso. 

A segunda metade comezou con moito movemento. Padín, no terceiro minuto, devolveu as táboas ó tanteador e Cuadrado, dous minutos máis tarde, superou a Mackay. O dianteiro, que comenza a supera os problemas físicos, puxo de novo en vantaxe ó Areas. 

Neste punto remataron as boas noticias para os de Fonsi Valvede. Na xogada seguinte, Carlos Pereira viu o segundo cartón amarelo e deixou ó seu equipo en inferioridade. Deste xeito, dez minutos máis tarde chegou a igulada por medio de Iván González e, con vintecinco minutos por xogar, a derrota dos branquiazuis era cuestión de tempo. 

O terceiro tanto local, obra de Hugo Soto, chegou pouco despois e xa no tramo final, Moure pechou o partido. 

Con esta derrota, a quinta consecutiva, o Cultural Areas, penúltimo, afúndese un pouco máis na táboa e agora está a tres puntos da zona de permanencia.

Boiro: 
Mackay, Alló, Javier Pérez (Armental, min. 48), Casais, Rendo, Pedro García (Iván González, min. 59), Rubén Márquez (Moure, min. 72), Bendaña, Padín, Juan Vidal, Hugo Soto.
Cultural Areas: 
Adrián, Samu, Sito, Cañi, Bruno, Fonseca, Carlos Pereira, Víctor Besada (Pichi, min. 63), Cuadrado, Juan Feijóo (Couso, min. 71), José Arenas.
Goles:
0-1, min. 16: Cañi; 1-1, min. 48: Padín; 1-2, min. 50: Cuadrado; 2-2, min. 62: Iván González; 3-2, min. 68: Hugo Soto; 4-2, min. 81: Moure. 
Árbitro: 
Fernando Formoso Sánchez. Expulsou por dobre amonestación a Carlos Pereira polo Cultural Areas. Amosou cartón amarelo a Javier Pérez e Juan Vidal polo Boiro e a Víctor Besada, Cuadrado, José Arenas e Couso polo Cultural Areas. 
Incidencias:
Vixésimo sexta xornada de no grupo I de Terceira División. 

FONTE ATLÁNTICO DIARIO 

Cultural 0-3 Ordes

Costa abaixo e sen freos

O Culturas Areas encaixou a cuarta derrota consecutiva ó caer no seu campo ante o Ordes

Compartir en:   

REDACCIÓN. VIGO DEPORTESAD@ATLANTICO.NET - 10-02-2014

O Cultural Areas sufriu onte una dolorosa derrota e xa acumula catro consecutivas. Dende que Fonsi Valverde asumiu o mando do equipo, o equipo de Ponteareas soamente logrou unha vitoria, no primeiro partido.

Víctor Besada, do Areas, trata de superar a presión dun xogador do Ordes.

O equipo local mostrou onte no seu terreo de xogo de A Lomba a súa peor versión. Nunha primeira metada para esquecer, os pupilos de Valverde encaixaron tres tantos e, sobre todo, deron a sensación de equipo desdibuxado, con moitos problemas para elaborar xogadas cun mínimo de perigo ante un Ordes que estivo moi cómodo.

Adrián Quintairos puxo en vantaxe o seu equipo os catro minutos de xogo cando logrou rematar un centro ó borde do área pequena e cruzar o esférico de xeito que Vitas non o alcanzou.

No treito final da primeira metada chegou a sentanza do partido. Adrián Abelenda foi o encargado de executar ó Areas ó rematar un rexeite dentro do área tras un saque de curruncho.

A falta de catro minutos para o descanso, o propio Abelenda desbordou a defensa local para solventar o man a man ante Vitas cunha vaselina e enviar ó Areas a penúltima posición.


Cultural Areas: 
Vitas, Samu, Portas,Bruno, Sito (Alberto, min. 74), Fonseca, Víctor Besada, Hugo, Juan Feijóo, José Arenas, Álex Rey (Cuadrado; min. 46)

Ordes: 
Mario, Abelenda (Freijeiro, min. 72), Cea, David Rey, Cabrejo, Mariño, Adrián Quintairos (Alberto, min. 85), Javi Rey (Martín, min. 80), Capelo, Álex Castro.

Goles:
0-1, min. 4: Adrián Quintairos; 0-2, min. 37: Abelenda; 0-3, min. 41: Abelenda. 
Árbitro: 
Antonio Loira Rodríguez. Mostrou cartón amarelo a Fonseca e Hugo polo Areas e a Javi Rey e Abelenda polo Ordes.

Incidencias:
Partido disputado en A Lomba.

Recordo do desprazamento a Atios no 2013 en preferente

Cultural Areas 0-1 Pontevedra

Xornada na que nos visitou un grande da categoría, o Pontevedra. Noso colectivo comezou a xornada cedo, cunha quedada primeiro para a sesión vermú, e logo xantar no noso bar habitual. O rematar fixemos unha pequena kalimotxada  e posto que o partido era cedo, as 16:30 para o campo.

Unha vez na Lomba, coas gradas ateigadas de siareiros e unha gran afluencia de peñistas do Pontevedra, viviuse cunha gran emoción e animación o encontro. Pola nosa banda moi boa animación todo o encontro, pero sen esquecernos tampouco da afección da parroquia areán que tamén animaron todo o encontro facendo que os muitos desprazados dende Pontevedra apenas se escoitasen.

Finalmente tras unha expulsión inxusta e un polémico gol onde puido haber man primeiro e vido dunha xogada anterior onde non existira falta, rematamos un bo partido traballado no campo con nove e un moi mal sabor de boca pola actuación arbitral. Desgraciadamente isto non e novo, xa estamos adaptados e o mesmo tempo fartos que os pequenos antes os grandes desta categoría, a batuta arbitral sempre caia para o lado dos mesmos.

Expulsión decisiva

Compartir en:   

REDACCIÓN. VIGO DEPORTESAD@ATLANTICO.NET - 27-01-2014

O Cultural Areas perdeu onte unha boa ocasión para sumar uns puntos preciosos na loita por manter a categoría ó saír derrotado ante o Pontevedra no seu campo de A Lomba.

O Areas perdeu pola mínima ante o Pontevedra en A Lomba.

O equipo que dirixe Fonsi Valverde realizou un bo encontro, en especial na primeira metade, cando tivo máis a posesión e pisou con frecuencia o área contraria. Neste tramo de partido, Couso gozou dunha ocasión clara de gol, pero non logrou conectar o remate.

Tralo paso polos vestiarios e os cambios, o Pontevedra mostrou unha mellor faciana e o Areas comezou a defender máis que atacar. Aínda así aguantou ó seu rival ata que chegou a expulsión de Cañi nos primeiros minutos do segundo acto.

A partir de aquí, os locais defendéronse de maneira axeitada pero, a oito minutos para o final do partido, Tubo aproveitou un barullo no área para batir a Vitar e facilitar a vitoria do Pontevedra.

Pola súa banda, o Areas aínda tivo que sufrir outra expulsión, neste caso a de Hugo. O equipo de Areas continúa na décimo sexta praza cunha marxe dun punto sobre a zona de descenso. Unha situación compricada.


Cultural Areas: 
Vitas, Damián, Portas, Cañi, Bruno, Fonseca, Couso (David Domínguez, min. 83). Victor Besada, Carlos (Hugo, min. 74), Juan Feijóo (Sito, min. 58), José Arenas.

Pontevedra:
Edu, Adrián, David Feito, Pablo, Iago Vázquez, David García (Kevin Presa, min. 85), Javi Otero, Lede, Pablo Carnero, Fran Fandiño (Tubo, min. 58), David Pérez (Kevin Levis, min. 73).

Gol:
0-1, min. 82: Tubo. 
Árbitro:
Adrián García Rodríguez. Expulsou por dobre amonestación a Cañi (min. 54) e con vermella directa a Hugo (min. 89). Amarela a Vitas, Víctor Besada, Arenas, Adrián, Feito, Carteno e Levis.

FONTE ATLÁNTICO DIARIO

Barbadas 3-0 Cultural Areas

Mal partido da nosa Cultural en terras ourensáns, onde nos faltou intensidade e confianza. Ata alí nos desprazamos oito membros da Horda, os cales fartos de pagar entradas abusivas para encontros de terceira (de 10 a 12 €, cando por exemplo en Francia podes entrar nun fondo de primeira por 4 €) decidimos ver o partido dende fora, atopando un alto dende o cal mirabamos o campo como se estivésemos na grada visitante do Camp Nou.

Desa forma nos aforramos 80 pavazos que no tempo que corren son cartos para un domingo. Nosa afección e amor o noso clube vai deixar de ser un negocio e moedeiro para uns poucos que frotan mans na taquilla nos nosos desprazamentos. Non o fútbol moderno capitalista e dos cartos.

O Areas volve a caer lonxe do seu campo

Compartir en:   

REDACCIÓN. VIGO DEPORTESAD@ATLANTICO.NET - 20-01-2014

O Cultural Areas sumou unha nova derrota lonxe do seu campo de A Lomba. No que vai de tempada, só logrou catro puntos coma visitante e onte viviu a mesma historia que noutros moitos encontros. 

O Cultural Areas perdeu onte na visita ó Barbadás.

O Barbadás foi claramente superior e logrou o primeiro tanto no séptimo minuto de xogo, cando Nuno colga un balón ó área e Vitas mide mal a saída, de forma que o esférico chega ata o fondo da portería.

Xa no segundo tempo, César cabecea un saque de curruncho para ampliar a renda dos de Ourense e a sentenza chega a doce minutos do final do encontro, cando Luis González enviou unha falta lateral que superou por alto a Vitas. Terceiro gol local, os tres en xogadas a balón parado.

Malia a derrota, o Areas consegue non caer esta xornada na zona de descenso e o vindeiro domingo recibe no seu campo de A Lomba ó potente Pontevedra, que se atopa en liña ascendente.


Barbadás: 
Berto, Martín Fernández, Alfredo, César, Vieites, Currás, Martín Pérez (Rafita, min. 53), Nuno (Luis, min. 49), Hugo, Moisés, Cristian (Jorge, min. 65).

Cultural Areas: 
Vitas, Damián, Portas, Cañi, Bruno, Fonseca (Costas, min. 83), Hugo (Couso, min. 63), Juan Feijóo, David Domínguez, José Arenas, Carlos (Alberto, min. 70).

Goles: 
1-0, min. 7: Nuno; 2-0, min. 72: César; 3-0, min. 78: Luis González. 
Árbitro: 
Óscar López. Mostrou cartón amarelo a Nuno, Currás e Jorge. 
Incidencias:
Partido correspondente á vixésimo terceira xornada de Terceira División disputado nos Carrís.

Fonte diario Atlántico.

Primeiro fanzine xa a venta por só 1 €, Tras as Redes

Cultural Areas 5-1 Deportivo B

O Areas sae do descenso no estreo de Fonsi Valverde

O conxunto de Ponteareas explotou a expulsión do visitante Stefan para anotar cinco goles

Compartir en:   

JORGE CASTRO. VIGO DEPORTESAD@ATLANTICO.NET - 13-01-2014

Tras varias oportunidades nas que non o conseguiu e tras a sustitución de Julio Álvarez por Fonsi Valverde no banco, o Cultural Areas logrou abandoar os postos de descenso despois de endosar unha goleada onte na Lomba o Deportivo B nun encontro condicionado pola expulsión de Stefan.

Fonsi Valverde da instruccións ós seus futbolistas no encontro de onte.

Cos tres puntos de onte, os de Ponteareas sumaron a quinta vitoria consecutiva no seu campo. Tras un inicio nefasto de campaña, o equipo enderezou o seu rumbo na casa e co anterior técnico xa albiscaba saír do túnel. Aínda así, as derrotas a domicilio ante Rápido e Alondras propiciaron o troco de adestrador e Fonsi Valverde continuou a boa xeira de resultados como local do Areas. A vindeira semana comeza o reto de sumar como visitante.

No enfrontamento de onte, o filial do Deportivo adiantouse no tanteador cun gol de Chiño ós sete minutos de partido e despois, entre o minuto vinte e a media hora de xogo, sucedéronse unha serie de feitos que racharon o transcurso lóxico do encontro e, tamén, favoreceron o equipo de Ponteareas.

Primeiro, o central Insúa, un dos mellores da categoría na súa posición, retírouse do campo por lesión. Foi sustituido por Stefan e ós catro minutos chegou unha pena máxima que converteu José Arenas. Igualada e, dous minutos despois, segundo cartón para Stefan que deixou ó seu equipo con dez e sen recambios para a defensa.

Aínda así, non se amilanou o Deportivo B, que tratou de gañar o partido pero topouse cun Areas intelixente que tirou proveito da súa superioridade numérica para asinar unha goleada na segunda metade.


Cultural Areas: 
Vitas, Damián, Portas, Cañi, Bruno, Fonseca (Brais, min. 80), Hugo, Couso (David, min. 63), Carlos (Demi, min. 69), Juan Feijóo, José Arenas.

Deportivo B: 
David, Roberto, Uxío, Sidibé, Insúa (Stefan, min. 20), Teijeiro, Caño (Álex Pérez, min. 71), Ángel, Dani Iglesias, Romay, Chiño (Remeijeiro, min. 52).

Goles: 
0-1, min. 7: Chiño; 1-1, min. 24: José Arenas, de penalti; 2-1, min. 50: Juan Feijóo; 3-1, min. 58: Damián; 4-1, min. 65: Carlos; 5-1, min. 77: José Arenas.

Árbitro: 
Abel Fernández Lodeiro. Expulsou por dobre amonestación a Stefan (min. 26). Mostrou cartón amarelo a Bruno e Couso polo Areas.

Cultural Areas 2-0 Laracha

A paciencia rendible

O Areas sumou a terceira vitoria seguida en A Lomba e está a un punto de saír do descenso

Poucos adestradores poden aguantar nun banco sen gañar dez xornadas e, probablemente, menos presidentes teñen a paciencia necesaria para mantelo ó fronte do equipo. Isto sucedeu este ano no Cultural Areas: Julio Álvarez continúa como adestrador e coa confianza de Domingos Freitas, a pesar de que a primeira vitoria non chegou ata a xornada undécima e cando o equipo estaba afundido no último posto.

O Cultural Areas sumou a terceira vitoria consecutiva no seu campo de A Lomba.

Agora, dous meses despois, o Cultural Areas sumou onte a terceira vitoria consecutiva no seu campo de A Lomba e está a un punto de saír da zona de descenso. Con traballo e pouco a pouco, os de Ponteareas parecen atopar o punto de xogo preciso para loitar pola permanencia.

No encontro de onte viviron a xornada máis tranquila no que vai de campaña ante o Laracha. Tras unha primeira metade sen demasiadas ocasións, José Arenas aproveitou un disparo dende a frontal do área para batir a Vitas mediado o segundo tempo. Damián non puido facer nada ante o puntapé do extremo do Areas e, dez minutos despois, o cadro local resolveu o partido.

Carlos Pereira meteu o pase profundo para David Domínguez, que chegou ante o gardaredes visitante. Primeiro durmiuse pero, ó final, logrou conectar o remate ante o oposición de Damián.

Cultural Areas:
Vitas, Samuel, Portas, Pichi, Sito, Alberto (Hugo, min. 77), Carlos Pereira (Demi, min. 89), Cañi, Couso (David Domínguez, min. 59), Juan Feijóo, José Arenas.
Laracha:
Damián, Raúl, Jorge, Fandiño, Javi VIllar, Beto, Josiño (Bouza, min. 69), Brais, Edu, Rebolo (Kevin, min. 84), Emilio (Taibo, min. 74).
Goles:
1-0, min. 63: José Arenas; 2-0, min. 74: David Domínguez.
Árbitro:
Martínez Barral. Amosou cartón amarelo a Hugo e Couso polo Cultural Areas e a Brais polo Laracha.
Incidencias:
Partido correspondente a décimo sexta xornada de liga en Terceira División disputado no campo de A Lomba ante, aproximadamente, 400 espectadores.